“ Mi Ketch Di Ting “ By Dr. Jay......

[Karl]

“ MI KETCH DI TING “ BY DR. JAY......





ITCH , ITCH, ITCH, SCRATCH ,SCRATCH, SCRATCH !


NEXT TING MI KNOW , MI COVER INNA RASH !


BUT A WHA DIS PON MI THO FAHDA ?


NO TELL MI SEY MI KETCH CHICKENGUNYA ?





TRYING HARD TO GET OUT A DI BED


EVERY MUSCLE HURTS , IT CAAN GET WORSE .


BUT KISS MI TEET , IT MUS BE A CURSE


SMADDY FILL MI BED SLIPPAZ WID LEAD !





MI FOOT DEM HEAVY, DEM HEAVY SO TELL


AN ONE BAG A PIN DEH INNA DI STAIR WELL !


WOIEE!MI FOOT,MI ANKLE,MI ELBOW, MI KNEE!


MI SHOULDA , MI HAN WRISS , HAVE MERCY PON ME!





MERCY PON YU? YU NO SI NUTTEN YET!!!


STAP !!!! DEN A WYE YU SO WET?


YU GET DERE TOO LATE WEN YU WAAN WEEWINATE ??


WELL MI GLAD YU NEVA DID WAAN DEFICATE!





SO , MISSA MINISTA YU SEY YU WAAN FI KETCH IT?


YU GWINE ONGLY LIVE FI RIGRET IT!


MI TEK MI PANADAL,ANTI-VIRAL AN VITAMIN C


BUT EF YU EVA SI WHA HAPPEN TO ME?


YU WOODA TINK TWICE BEFORE YU PRAY FI GET E!!!





MI SEY MI KIN CRATCHY CRATCHY AN FAVA DAWG WID MIANGE


DI MEDICINE DEM SEEM FI MEK LIKKLE CHIANGE


SO EF YU KNOW WHA MI KNOW, AN MI KNOW EVERYTING,


SHET YU MOUT AN PRAY SEY YU NO KETCH DI TING!!!!








IT NO PRETTY......DUNG YA!!!.