A cut above the best.

[Mosiah]

yuh bredren, huh? sure a never you?

[Assasin]

no say mi never brave enough. Always stay pon the ground and ketch them or pick them up, or was alway look out. Mi nah go pon nuh tree at all. LOL. Mi always need the Asafa start.

[Jangle]

One day I gwine tell yuh a story....cho mek me tell yuh now. When me was a bwoy, me used to live a Havendale. Anybaddy weh kno Havendale know seh every yard have at least two or "tree" mango trees. Well, the yard behind mine did have two big ole East Indian mango trees and it come een like seh di peeple dem weh live de neva use to eat mango and barely come out inna dem backyard. Plus dem did have bout 4 horse dawgs. Di dawg dem did big like young horse....and bad. Now as bwoy pickney yuh know seh we barely sensible. It was a crime fi see di two mango trees dem laden wid big, juicy, bright yellow East Indian mangos a ripe pon tree. Underneath the tree dem did full a leaves and mango weh fall off a di tree dem....but di dyam wolf dem used to patrol di yard. So, as the leader of my crew, I had to come up wid a plan - about "tree" a di crew would go to di front and molest di young horse dem while me and another one scale di fence. Di plan worked like a charm. We each shimmied up a tree (as a bwoy if yuh caan climb tree den yuh muss be a maama bwoy) and start pick mangos and throw dem over to the catchers.

Every one I pick(ed) looked better and bigger than the last one....and of course me haffi tek a bite offa one. We inna di tree fi about a good 15 - 20 minutes. I swear, the ketchers had about 3 - 4 big piles. Talk bout craven.............there was one nice ripe one that was hanging way out on a limb. This was the one that started this whole escapade in motion . I was not leaving without it. So, clenching the mango seed tightly in my mouth (remember I was eating one in the tree.....dash whey?!!! Yuh crazy....East Indian mango seed haffi suck til it white!!!), I moved slowly out on the limb. The limb looked solid enough and there were no other branches to hold on to. This required concentration and balance. Slowly, inch by inch, stretching, I reached my prize. Success!!!! Cccrrrraaaackk!!!! Nuh di nice solid tree limb bruck wid me!!!! Boof!!!! Me drop like a ripe breadfruit. Me was more frightened than hurt. Me never have nuh time fi figure out which part a me a hurt because me never realize seh di young horse dem did stop howl outa front. All me know is dat me hear hoof beats a come towards me. Quarrie was a bwoy fi me dat day. I pick up my foot and mek a big sprint fi di fence and mek a big leap. Likkle most me nearly decapitate likkle Jangle head when me pants cratches hitch inna di fence. Laffing spoil the way me bredrin dem a dead. It was worth it though.

[Islandman]

LOL. Good Friday story!

BTW you nuh have nuh copyright pon it? Me have a humorous speech contest a come up soon and a try find a funny story fe build a speech around, me might just use this one, embellish it a bit and put myself in your role.

[Gamma]

..... likkle most yuh lose more "grey matter" .... my mango story is wasp nest! di ripest mango was right beside a wasp nest! why is it that wasp guh straight fi yuh yeye??!!

mi look like black chiney dat evelin' .... worse it was a recess ... mi had was to get smaddy fi lead mi 'ome cah mi yeye dem swell SHUT!!!!

[Jangle]

..... likkle most yuh lose more "grey matter" .... my mango story is wasp nest! di ripest mango was right beside a wasp nest! why is it that wasp guh straight fi yuh yeye??!!

mi look like black chiney dat evelin' .... worse it was a recess ... mi had was to get smaddy fi lead mi 'ome cah mi yeye dem swell SHUT!!!!

DWL

[Jangle]

Feel free my friend

[Assasin]

LOL. Unnu funny nuh rhatid.

[Sickko]

oooo...how many 'o' dem one use up in their names....

[Mosiah]

mi cyaan stop laff. and cry! a whey unnu find dis yah fool yah! wooiee! mek mi go liddung!

[Don1]

johnny mi agguh mek one ah dem yah fi yuh..

So..

There once was a Lady Mangaroo
When she grew, she found herself being wooed
After a while she married Mr Moo
So nice they were, their enemies were few
And just what did Mr & Mrs Mangaroo do?
Fine teachers they were, giving no cause to rue
She got pregnant after they practiced to scre_ ooh Mr Moo she cooed
But alas, nobody knew!
Why? So skinny was the Lady Mangaroo, her belly was hidden from view
And that is the story of the good Mangaroos

...Dat cool???