Tweet
most important ting wi need to fix is wi finishing. Wi had six chances inna di game weh wi lost an dat nah cut it at all. Shelton header or ball header more like it, ball head him an fly straight ovah, through ball to Shelton jus nevah tek di ball di right way, Cross to Jevahgn from Ryan Johnson aftah great wuk by Johnson, ovah di top by Jevaghn, chance to Shelton again from pass from Hue, Shelton open pan di right hab all di time inna di worl fi carry di ball an get a shot, guh fi di spectacular high an wide, Second half Cross from Lovell to Ryan ah try guide it een wid left foot, Header miss by Shelton again from Dane cross. One from dead ball an di rest from open play. Ah one common denominator here who cause wi fi really lose di game, Shelton strikah kyaan get so much chances an nuh score ah madness dat. All who blame Tappa fi team selection jus a talk, kah wi jus need fi finish di chances dem. An Jason Morrison fi gi wi ah walk now dis midfieldah jus mek to much horizontal an back passes all when ah countah attack on, plus was di main culprit fi di first goal jus push a foot nuh. X yuh ah listen, jus push a foot
