Man ah talk bout Boo nuh good si mi yah now

[myYout]

kah mi ah guh defen mi strikah to di death. Is one ting, mi nuh fraid ah fiyah mi love it, nah beat nuh chess neidah but mi nevah scared.
When wi qualify, mi nah guh beat nuh chess but jus reiterate mi stance pan mi strikah, dat him ah di bess. If yuh nuh like di yout/him ah nuh yuh favourite den mi can si wid yuh but when wi attack di yout is ah diffran ting. Kah di yout a represent yard big time ah foreign but wi come pan yah ah call di man rubbish/rucks. Ah idiot ting dat, Mi waan know how a rucks/rubbish balla score di most goal fi him side fi gi dem promotion. An den tun roun an score di bes goal suh far inna di highest league ah Englan weh nuff man tink ah Toppa Top league. An di man haffi endure all dis name calling ting. Mi wi say it again, If Boo nuh carry dah side yah pan him shouldah, nuff man nah guh satisfy. Mi wi seh dis again ah di "Teacha" John Barnes syndrome ah affect to yout, suh mi can live wid dat easy. Wi expect suh much from di ballah dat, ongle perfection ah guh suit dem. Ah di same ting wi di Soljah, ah nuff man didah hope an pray fi di "Teacha" defendah fail an seeit deh di Soljah ah shine so bright dat
him convert nearly everybody pan yah. Mek mi tell all a unnuh again. Pepe ah di bess defendah wi produce from yard widout doubt fi years widout tears. Mi membah nuff man ah talk bout speed and quickness. Defending ah nuh ah foot race. Positioning an Ball intelligence fi read di game, an di abililty fi mek game saving tackle INNA DI BOX, dis how yuh a rate ah defendah. An tackling inna di box dere is no defendah weh can duh dat bettah NONE. Nuff man jus talk, but dis ah ah nuh linguistic school (Jawge bwoy dem mek di slave get some edimication an telligence yah now) or how intelligent yuh can puh dung wod pan discussion board ah how much yuh really know di game an play di game.

[Farmah]

Yes I, Boo doesn't deserve all that disrespect. He is obviously not living up to our expectation as a prolific or dangerous international striker, but maybe it's because of the system which Simoes choses to employ. And also, we could chalk down Boo's meagre output to the lack of defense-splitting passes from midfield. Whatever the reason, we have to look at the fact that Boo is an excellent forward and his club coaches have been able to eke the best out of him.

Simoes needs to formalise an offensive system that will make better use of Boo's tremendous gifts. Maybe the answer will be to put a better quality (and more creative) midfield on the pitch to supply Boo wth the passes. In the meantime, some Reggaeboyz fans will call him a "rucks" and point to his lack of output. Ah no nutten still! When Tappa was ah chant ball inna midfield fi wi, nuff man still cuss him out and said he was a "rucks" while others said he was "slow." All ballers (with the possible exception of Pele and Maradona) have flaws. But what the coach(es) must look at is the baller's strong points, and create a system which will maximise the full potential of the baller's offensive arsenal. Failing that, disgruntled fans will voice all manner of negativity.

[Assasin]

Wait if Simoes nuh call him fi two game you hear how him a Ronaldo. Yuh nuh see the trend?

Them yah dog yah will never have a bone, cause the one inna the water always better.

[Sir X]

One word : RUCKS !

[myYout]

True dat, true dat sah. Ah suh tings fi analyze an assess but wi resort to dis bag a insult pan di yout name. Dat nuh right. Him output couldah nuff bettah fi real. An mi ben kah dat wouldah tek dem mout offah di yout suh him can strive inna di ball game. Wi know seh him undah a microscope kah ah him exploits but mek di yout get some breeze nuh.
Mi know seh fans ah fans an dem wi soun out dem disapproval pan ah balla performance but dem ah tek it to a level weh nuh neccessary inna fi mi opinion. Naanah get di same ting an him use to score regulah. An Naanah ah fi mi strikah dat, an him worsah nevah get him ratings. Suh yuh si, dam if yuh duh an dam if yuh don't. But if dem press mi ballah mi nah guh tek it like suh, mi haffi soun out fi mi ballah kah ah jus mi dat. Tappa, dat is anodah story in itself. Score two gem inna di big tournament, an ball dem wicked wicked inna Washington jus to name a few games an said ting peer negativity pan di man. An wi nevah produce a bettah linky weh represent yard pan di big stage.

[myYout]

Mi nuh hear yuh bring forth anedah strikah yet, who bettah? Nobaddah seh Naanah kah ah tek yuh tek sumpn weh nuff a wi puh dung.

[Sir X]

where is Bennet & King , I wont mention the immortal one , yuh might ave seizure one a day ...lol

[1of1]

bennet and king, when wi don't even have a good midfield,

[Sir X]

Yuh a mek the midfield be the scape goat?...follow yuh logic !

[Mosiah]

I have often said that Fuller would not even sit on the bench for me. However, I thought he did have a decent game the last time I saw him play for the Boyz.

I did not see the Mexico game, so I can't give my opinion on how he did.

One ting doh, unnu need fo stop dis lie dat when him nuh pass di ball is because him nuh have nuh pass. Rahtid lie dat! Many times he doesn't have any pass fi real, but on many other occaions, he did!

[Sir X]

One ting a couple a tings

1) It cannot be argued that his poor play is due to his teammates , because he plays well for club.Stoke isnt of the RBYZ quality !

2) It cannot be argued he plays badly and the coach isnt at fault, he keeps putting him out there to play crap.

3)No true arguement cannot be made without 1st looking at Rene Simoes approach to 2 crucial WC qualifiers on the ((ROAD))

a) Its a thin squad in the strikers position
b)He knows the history of both strikers failures at the international level.Burton & Fuller.
c)His statement that he doesnt want to call players because of thier unfamliarity with his system must be questioned because he gave an inexperienced youth E. Taylor a buss in one of the biggest games of the RBYZ life on the road at that.

Where is Bennet & King, Langley etc ?

[Mosiah]

Unfamiliarity with the system is not the same as inexperienced.

[Sir X]

So that opens another question , he doesnt have the experience (Taylor) and familarity, wouldnt an experienced player from a professional setting grasp his system quicker ?

[Gamma]

if they wanted to .....

[Mosiah]

But maybe not quick enuff.