Tweet
coach, wi di done know seh him bad from long time, but wid Shelly him show him true class. One more year wid some real powah training from early an a double easy. An Shelly ah worl class, wicked piecah gal, WATERHOUSE!! wi seh, a true likkle but mi tallawah dat, membah. Him kep up some ting bout nah join national camp til ah time T, mi nuh inna it wid him. Him fi represent from early, but as ah coach mi HAFFI gi him mi respect. Ah tek wi ago, tek ovah dis yah now. Maximum respect to wi athletes, an it nuh done yet. Bwoy mi ah tell yuh di truut, dis mek man head swell an watah swell up inna yeye wid pride. LISTEN!! mi ah guh seh it again, wi ah one special set ah smady. To "di WORL" wi seh, "Tun e Up". Jamaican get biggest cheer inna opening ceremony ah nuh Jamaica it deh, supm'n nuh right wid dat.
